Баспасөз ақпарат «Үздік әлеуметтік жобалардың» бейнежазба байқауы туралы

Баспасөз релизі
«Үздік әлеуметтік жобалардың» бейнежазба байқауы туралы

Нұр-Сұлтан қаласының IX Азаматтық форумын өткізу қарсаңында қала әкімдігі әлеуметтік жобалар бейне байқауын жариялайды.
Үздік әлеуметтік жобалардың бейне байқауын ұйымдастырудың мақсаты өзекті әлеуметтік мәселелерді шешуді ұсынатын үкіметтік емес ұйымдардың бастамаларын анықтау және қолдау болып табылады.
Қатысуға Нұр-Сұлтан қаласы аумағында тіркелген және әрекет ететін ҮЕҰ жіберіледі. Байқау 2020 жылдың 15 қазаннан 15 қарашаға дейін өткізіледі. Байқауға жіберілген бейнероликтер бұрын жарияланбауы және соңғы үш жылда іске асырылған әлеуметтік жобалар туралы ақпаратты қамтуы тиіс. Бір ұйымнан бір ғана өтінім беруге болады.

Байқауға қатысу үшін қажет:
•    жоба туралы 2-ден 3 минутқа дейін мерзім ұзақтығымен бейнеролик түсіру;
•    оны әлеуметтік желілерде #elordanpo2020 хэштегімен жариялау;
•    бейнероликке сілтемені көрсете отырып, өтінім жіберу.

Байқау жеңімпаздары кәсіби қазылар алқасының дауыс беруі арқылы таңдалады, оның құрамы ҮЕҰ өкілдерінен, сарапшылардан және медиа мамандардан құралады.
Байқау нәтижелері 2020 жылдың 20 қарашасында www.elordanpo2020.kz сайтында, сондай-ақ ұйымдастырушылардың әлеуметтік желілеріндегі ресми аккаунттарында жарияланады.
Өтінімдер 2020 жылғы 15 қарашада сағат 18:00-ге дейін (Нұр-Сұлтан уақыты бойынша) info@elordanpo2020.kz электрондық поштасына «ҮЕҰ» Бейне байқауы» тақырыбына белгі қойып қабылданады.
Байқау жеңімпаздары компьютерлік техника түрінде бағалы сыйлықтармен және дипломдармен марапатталады.
Байқауды «Арнау» Даму орталығы» қоғамдық бірлестігі Нұр-Сұлтан қаласының IX Азаматтық форумы аясында Нұр-Сұлтан қаласы Ішкі саясат басқармасының қолдауымен өткізеді.


Ескертпе: жеке негіздеме немесе басқа ұйымдар арқылы ұйымның мамандары орындаған жобалар ұйымның сәйкес тәжірибесі болып саналмайды.